CRONACA, LETTERARIA E NON, DELL'ANDAR PER MARE






martedì 6 dicembre 2011

'O mare



"'O mare fa paura"
Accussi' dice a'ggente
guardando 'o mare calmo calmo cumme na tavula.
E dice 'o stesso pure
dint'e gghiumate 'e vierno
quanno 'o mare
s'alza
e l'onne saglieno
primm' a palazz' e casa
e po' a muntagne Vergine santa
scanza 'figlie 'e mamma!
Certo
pe' chi se trova
cu nu mare ntempesta
e perde 'a vita
fa pena
e ssongo 'o primmo
a penza' ncapo a me
"Che brutta morte ha fatto
stu pover'ommo
e che mumento triste c'ha passato".
Ma nun e' muorto acciso.
E' muorto a mmare.
'O mare nuna cide.
'O mare e' mmare
e nun 'o sape ca te fa paura.
Io quanno 'o sento
specialmente 'e notte
quanno vatte 'a scugliera
e caccia 'e mmane
migliara 'e mmane
e braccia
e ggamme
e spalle
arraggiuso cumm'e'
nun se ne mporta
ca c'e' straccia 'a scugliera
e vveco ca s''e ttira
e se schiaffa
e caparbio
mperruso
cucciuto
'e caccia n'ata vota
e s'aiuta c'a capa
'e spalle
e' bracce
ch'e piede
e cu' e ddenoccie
e ride
e chiagne
pecche' vulesse 'o spazio pe sfuca'.
Io quanno 'o sento
specialmente 'e notte
cumme stavo dicenno
nun e' ca dico:
"'O mare fa paura"
ma dico:
"'O mare sta facenno 'o mare".

(Edoardo De Filippo, Poesie)

Nessun commento:

Posta un commento